வாகனங்களின் முகப்பு விளக்கில் கறுப்பு ஸ்டிக்கர்

சேலம்: சேலத்தில் சாலை பாதுகாப்பை வலியுறுத்தி பாரத் ஸ்கவுட் அண்டு கைட்ஸ் அமைப்பைச் சேர்ந்த மாணவியர் வாகனங்களின் முகப்பு விளக்குகளில் கறுப்பு ஸ்டிக்கர் ஒட்டினர். சேலம் மாநகரில் அரசு மற்றும் தனியார் பள்ளிகளில் பாரத் ஸ்கவுட் அண்டு கைட்ஸ் அமைப்பு இயங்கி வருகிறது. பொதுச்சேவையில் மாணவ, மாணவியரை ஈடுபடுத்தும் இந்த அமைப்பு சார்பில் நேற்று சாலை பாதுகாப்பை வலியுறுத்தி நேற்று ஐந்து ரோடு பகுதியில் வாகன ஓட்டிகளிடம் விழிப்புணர்வு ஏற்படுத்தப்பட்டது. அதன் ஒரு அங்கமாக தனியார் பள்ளி மாணவியர் 20க்கும் மேற்பட்டோர் பஸ், லாரி மற்றும் டூ வீலர்களின் முகப்பு விளக்குகளில் கறுப்பு ஸ்டிக்கர் ஒட்டினர். மேலும், விபத்து இல்லாமல் தங்களை பாதுகாக்கும் வழிமுறைகள் குறித்தும் விளக்கினர்